مع انه حدث جريء وعمل ضجة بس حزين جدا اننا وصلنا لمرحلة اننا مش بنفكر هنبني مصر ازاي بعد نجاح الثورة لأ بنكتب وصيتنا لما نموت والفضل كله طبعا يرجع للمجلس العسكري واللي عمله لاخواتنا قدام ماسبيرو.. ده غير اللي راحوا قبلهم بس أدينا بنكتب وصيتنا بدم اخواتنا علشان تعرفوا اننا مبنخافش رصاص المجلس العسكري ولا مدرعاته..
الوصية:
لو ربنا اختارني وكنت من اللي ماتوا في الظروف اللي البلد فيها دلوقتي.. أول حاجه في وصيتي اني مش عايز حد يتناقش في جواز الرحمة عليا ولا لأ شهيد قتيل متوفي ميهمنيش اللقب أبداٌ لو حد بس فعلا بيحبني يتمنى ليا الشهادة وخلاص وان ربنا يرحمني.. كل اللي يهمني فعلا هم أهلي تسألوا عليهم ودمي أمانة في رقبة أي حد يقرا الوصية.. لو مت في حكم العسكر مش عايز حد يقفش في الظابط أو العسكري اللي قتلني حقي يرجع بتحقيق الهدف اللي انا مت علشانه.. الحرية
ثانيا: كل أعضائي السليمة بتبرع بيها لمصابين الثورة أو أي إنسان محتاجلها مهما يكون ملته او جنسيته كل ده مايهمنيش المهم انه يكون فعلا محتاج
ثالثا: مش عايز اي صفحة بإسمي أو ميدان أو مدرسة أو شارع المهم القضية مش مهم الإسم
رابعا: مرتبي او أي فلوس معايا أو ممتلكات شخصية معايا بتبرع بيها لإي مشروع قومي
خامسا: نفسي يتصلى عليا صلاة الجنازة في جامع عمر مكرم وجنازتي تكون في التحرير ومش عايز يتعملي أي عزاء ونفسي اتدفن في سيناء هو مشوار بس معلش
سادسا: علموا ولادكوا صح لو مت اعرفوا ان كان نفسي أعيش علشان اربي عيالي تربية محترمة أعرفهم حقوقهم واعلمهم مايتنازلوش عنها
أخر حاجه.. مش عايز حد يزعل ويولول عليا لما أموت انا عايز الناس تفضل متفائلة ومايتنازلوش عن حقنا حق البلد دي في انها تكون أحسن.. ولو حد شايل مني في أي حاجه ياريت يسامحني وانا كده كده مش شايل من أي حد أصلا علشان اسامحه
لو ربنا اختارني وكنت من اللي ماتوا في الظروف اللي البلد فيها دلوقتي.. أول حاجه في وصيتي اني مش عايز حد يتناقش في جواز الرحمة عليا ولا لأ شهيد قتيل متوفي ميهمنيش اللقب أبداٌ لو حد بس فعلا بيحبني يتمنى ليا الشهادة وخلاص وان ربنا يرحمني.. كل اللي يهمني فعلا هم أهلي تسألوا عليهم ودمي أمانة في رقبة أي حد يقرا الوصية.. لو مت في حكم العسكر مش عايز حد يقفش في الظابط أو العسكري اللي قتلني حقي يرجع بتحقيق الهدف اللي انا مت علشانه.. الحرية
ثانيا: كل أعضائي السليمة بتبرع بيها لمصابين الثورة أو أي إنسان محتاجلها مهما يكون ملته او جنسيته كل ده مايهمنيش المهم انه يكون فعلا محتاج
ثالثا: مش عايز اي صفحة بإسمي أو ميدان أو مدرسة أو شارع المهم القضية مش مهم الإسم
رابعا: مرتبي او أي فلوس معايا أو ممتلكات شخصية معايا بتبرع بيها لإي مشروع قومي
خامسا: نفسي يتصلى عليا صلاة الجنازة في جامع عمر مكرم وجنازتي تكون في التحرير ومش عايز يتعملي أي عزاء ونفسي اتدفن في سيناء هو مشوار بس معلش
سادسا: علموا ولادكوا صح لو مت اعرفوا ان كان نفسي أعيش علشان اربي عيالي تربية محترمة أعرفهم حقوقهم واعلمهم مايتنازلوش عنها
أخر حاجه.. مش عايز حد يزعل ويولول عليا لما أموت انا عايز الناس تفضل متفائلة ومايتنازلوش عن حقنا حق البلد دي في انها تكون أحسن.. ولو حد شايل مني في أي حاجه ياريت يسامحني وانا كده كده مش شايل من أي حد أصلا علشان اسامحه
